Совместный проект газет «Илкэн» (Республика Саха (Якутия) и «Северная правда». Материалы полосы подготовил Андрей Исаков, перевод Алены Колесовой, фото Юрия Коковина.
14 эктэнкирэду, Иеӈнэду «Илмакта этэечимни» ӈэнэрэн
Илмакта этэечимни, Иеннэду ӈэнэрэн. Со ая инэӈи бихин. Бутуннул куӈакар, сокур. Аят орорди хуктыдеритын. Дян часту, хэгды открытие ӈэнэрэн.
Директор МОУ им. Г.М. Василевич, Попова О. В., куӈакарду аялвэ турэрвэ гунэн, тадук куӈакар концертвэ ичэвкэндеритын.
Элэкэсипты часту, куӈакар орорди хуктыдеритын. Минутнай забегту, омолгиялдук, элэкэсипты местава Колесов Андрей гаран. Тадук общийду забегту, нян Колесов Андрей элэкэсипты местава гаран. Нуӈан дюр ноутбуквэ, телефонма гаран. Призылвэ куӈакарду компания «Колмар» аниран. Хэгды баиба нуӈардутын гундерэв!
Андрей Колесов, тэкэндук «Бута». Нуӈан дяпкун классту татчаран. Эвэдылвэ икэрвэ икэндерэн. Дэрумкил орактын, тыкин эгданду бэлэтчэвки. Мэннилви орорви аявувки. Нуӈанил тэхалин сот урундерэ, нуӈан абсолютнай чемпион оран.
Тадук таежная эстафета нэнэрэн. Дыгин команда бихин. Дюр Иеӈнэдук, умукон таткиттук Арктикадук, умукон таткиттук Золотинкадук. Элэкэсиптывэ местава таткит Арктика гаран, ге местава Иеӈнэдук кунакар, или местава нян Иеӈнэдук гара.
Бу сот урундерэв, куӈакар сокур, аят орорди хуктыдеритын. Тыкэ-дэт дюлэскаки ӈэнэкэллю! Турэнми, орорви, тэхэлви энэл омӈоро!
Этэечимни инэӈи Якодыду Республикаду!
Дыгин эктэӈкирэду, Якодыду Республикаду, этэечимни инэӈи эмэрэн!
Мутни Республикаду, кэтэ этэечимнил индерэ. Нуӈаннитын хава, со ургэ. Уртэхэлтэнэ мелывкил, орорво илбэвкил, дюлавэр. Тугэниду, дюганиду-да молвэ сувкил, печаду, самнирду. Ялбукалвэ, молвэ, мувэ мартын эмувкил. Дюга оракин, кунакар, бэлэтчэвкил. Дэрумкилду куӈакар эгдантыки эмэвкил. Ая овки этэечимнилду. Куӈакар со аят бэлэтчэвкил.
Эр анӈаниду, хэгды «Хуктывун» Нерюнгринскайду районду, Иеӈннэду ӈэнэдян. Международнай чемпионат 15-19 эктэӈкирэду ӈэнэдян. Со кэтэ этэечимнил, матал эмэдятын.
Бутуннулду этэечимнилду аяя гэлэдерэв, аямамат дюлэскаки ӈэнэкэллю, орорты мутнил кэтэлдектын!
Хуктывун Чараду!
Межрегиональнай Хуктывун 4-5 эктэнкирэду ӈэнэрэн, 65 анӈанидук Арсентия Прокопьевича.
Делигациел Якутиядук, Амурскай областук, Забайкальядук бира Олекмадук, бидерил, эмэрэ.
Бакалдыритын, этэечимнил, орор, турэн эдатын омӈовро. Тадук он промышленнайнун компаниянун дюлэскакэ хавалдяда, бидеда, турэтчэритын.
Бутуннул тэхэлин, Арсенийни Прокопьевичнил, эмэритын. Хэгды хававэ ора. Нуӈан гундерин тыкин: «Эвэнкил, эвэнкилду бэлэтчэнэ бидекэллу»! Эвэды турэн, со ая, эхин окин-кэт омновро. Орорво аямамат ичэткэллу, мэндувэр бэлэтчэнэл бидекэллу!
Хуктывун Чараду со аят нэнэрэн. Эвэнкил, экэллу мэргэрэ. Аямамат дюлэскаки бидекэллу! Арсентийнивэ Прокопьевинивэ, гэрбивэн этэрэв омӈоро!
Эвенкил тэкэндук «Бута» Международнайду чемпионатту!
15-19 эктэнкирэду Нерунӈаду, Иеӈнэду Международнай чемпионат ӈэнэрэн.
Эр чемпионаттула, кэтэ этэечимнил эмэрэ. Артическайдук региондук, тадук дюр странал. Этэечимнил сырга оелин этэкэрудеритын, маутыт орорво дявадяритын, орорди хуктыдеритын, киӈнэлди тухэктэдеритын. Ахал, силевэ оллодук иридеритын, охалвэ удеритын, тадук тогово иладеритын.
Якодыла Республикала мутнил этэечимнил, Иеӈнэдук ирэ. Этэечимни Колесов Игорь Игоревич, нуӈан общинаду «Олдое» хавалдяран. Колесова Анна Львовна, этэечимни, нуӈан МУП «Золотинка» хавалдяран. Нуӈартын тэкэндук «Бута». Колесов Игорь, элэкэсиптывэ местава гаран, нуӈанду буранмэ анира. Колесова Анна-ге местава гаран, ахалдук. Нуӈанду грамотавэ, медальвэ, тадук телефонма анира. Мутнил этэечимнил, со аял! Иеӈнэ сот урундерэн! Дюлэскаки мутнил орор кэтэлдектын!
Мутни команда Якоды Республикадук Международнайду чемпионатту, или местава гара. Хэгды баиба бутуннулду бэелду, ӈи ӈэнэрэн эр чемпионатвэ, ӈи бэлэтчэрин мунду! Бутуннул этэечимнил, экэллу бумурэ, аямамэт орорво ичэткэллу, дюлэскаки аят бидекэллу!
Нерунӈаду тунӈа дяр дыгинмэ отделениевэ ВКПП ӈирэ
Эр отделениевэ Путин Роман Игоревич ӈэнэвдерэн.
Дюр дяр надан эктэнкирэду, Иеӈнэлэ матал Всероссийскай комитет Путина эмэрэ. ЭКЦ «Эянду» маталвэ бакалдыра, мутнил эвэнкил, Иеӈнэду индерил. Нуӈартын чичипкандули ӈэнэрэ. Тадук мутнил эвар, тогоду чэӈкирэвэ илахал, аяя гэлэдеритын. Куӈакар сувенирвэ-эвикэрвэ маталду анира.
Тадук матал бэелнун сэхэргэрэ, экун тар ВКПП? Экудывэ хававэ нуӈартын ӈэнэвдерэ. Он бэлэтчэрэ бэелду. Эвэнкил Иеӈнэду бидерил, кэтэвэ уйдорэ, аӈнура. Аят сэхэргэдеритын.
Илан час оракин, маталвэ бира эмкэркэндулэ ӈэнэврэ. Таду палаткэлвэ ора. Маталду эвэдылвэ девгэлвэ ирирэ. Тадук нуӈартын бурарди, квадрацикалди ӈэнэктэдеритын. Сот урунденэл. Иеӈнэвэ аявулчал.
Всероссийскай комитет поддержки Путина, аямамат дюлэскаки ӈэнэхин, мит бэлэтчэдят!
Молодежнай Совет РС (Я) Иеӈнэлэ эмэрэн
Дян илан туранду, Иеӈнэлэ эдэрил бэел, Якутскайдук эмэрэ. Александр Громов – эвэн, нуӈан эр эдэривэ советвэ РС (Я) ӈэнэвдерэн. 2022 анӈаниду, таткитту Арктика, Молодежнай Суглан ӈэнэдерин. Эр Сугланду, нуӈан лидер оран.
Степанова Юлия – нуӈанни заместитель. Юляни Буган Хатыстыр, тэкэндук «Бута», нуӈан эвэнки, мэнми эвэды турэнмэ алагудяран. Эткан нуӈан Институтту гуманитарных исследований хавалдяран.
Мутнил гиркил, таткитту-интернатту дютадеритын. Таду кэтэ куӈакар индерэ. Нуӈанитын амтыл эгданду хавалдяра. Дэрумкил орактын, нуӈартын эгдантыки урудетын.
Эдэрил бэел, Саша, Юлянюн, кэтэ хававэ ора. Элэкэсиптыду инэӈиду таткитту куӈакарнюн, алагумнилнюн хавалдяритын. Ге инэӈиду, главанюн Юрием Викторовичнун бакалдыритын, тадук сагдылнун бэелнун. Или инэӈиду, эдэрилнюн бэелнюн ЭКЦ «Эянду» хавалдяритын. Образовательно-правовойвэ семинарвэ ӈэнэвритын.
Эр анӈаниду Молодежнайду Сугланду «Дян анӈани одяран»! Кэтэ эдэрил бэел бакалдыдятын, экудыду дуннэду, амаргут сэгэргэдят!
Бу сомат урундерэв бакалдыда эдэрилнюн бэелнюн! Саша, тадук Юля – минни гиркил! Аямамэт дюлэски ӈэнэкэллу, хавалкаллу! Бакалдыдала!
Эгданду индери омолги!
Аӈнанытыкин, мутни таткитла МОУ гэрбичи Г.М. Василевич, киракар куӈакар эмэвкил. Васильев Герман – гудяекан омолгичан, эгдандук, таткитла эмэрэн. Нуӈан тэкэндук «Бута».
Нуӈани амтылин эгданду хавалдяра. Эня – Колесова Марьяна Николаевна, ама – Васильев Николай Тимофеевич гэрбин. Нуӈартын этэечимнил.
Герман – киралдук эгданду индерэн. Нуӈанни кэргэн хэгды: эхэка, ама, эня, акин, экин, тадук нуӈан. Нуӈан сомат эгданмэ, орорви аявдерэн. Дэрумкилвэ сот алатчэнэ бидерэн. Кэтэ улгурвэ алагумнилду, куӈакарду сэхэргэдерэн. Он эвэнкил эгданду индерэ.
Эгданду тыкин уллевэ, оллолво, укумнивэ, диктэлвэ депивкил. Таткитту унту девгэл. Адылвэ фруктылвэ, овощилвэ эвкил сарэ, дептэ.
Эр анӈаниду, Герман «Хуктывунду» учакит хуктыдерин. Эвки ӈалэрэ. Инеденэ эмэрэн. Бу сомат урундеривув. Герман – со ая омолгичан, эвэнки! Аямамэт дюлэски татчакэл, орорви энэ омноро!
