Неӈне Салехардук эмэксэ би дюрдяр илан инэӈиду соӈкан бегаду амтылнунми конула һуручов. Минду научнай экспедиция оран. Конула ӈэнэм эвэды турэнмэ, итылва, одёлва дукудави. Тадук би сот эетчэв ичэттэ, он нюкучукор сонӈачар балдыдяра.
Мутӈи урикит Апсат дырэндун бидерэн. Эр со гудей бай дуннэ! Апсат – эр албин, гудей бира. Апсаттула таргачир нюкучукор биракар даптудерэ: Дугуя, Мускуннак, Быйики. Аминми һулганипки Апсат дяпкадун. Нонон кэтэ эвэнкил Апсатту уринчэдечэтын, орорвор пастудянал. Таду кэтэ билиргил курелтын, чаӈгаилтын, сераӈилтын, самӈиксакуртын биһи.
Тэде, кэтэ һавачи этэечимнил бипкил. Би амтылдуви бэлэтчэӈкив. Неӈне орор эекэки һурудовэр нэкэпкил. Эр эчэ ая бирэ. Таду оһиктачел бэйӈэл, амикар, кутурукичел бипкил. Сонӈачар балдыллакир орор нан тала һурудовэр нэкэпкил, сонӈачар эенипкил. Тарит мут умун бегава куревэ одячавун, орор эдэтын эекэки һурурэ. Таду мут нямилва тадук сонӈачарва уһиӈкивун. Кеһа бу эниннунми нямилва сириӈкивун.
Мучун бегаду бу аминнунми конудук эмэрэв. Минӈи ая экспедиция манавран. Конуду со ая бичэн. Би эрэвэ нэвэндув, дялдув дявучадям. Би тыкэ гунмучадям, бэел конуду бидерил, кутучил. Конуду ая бидэ. Конуду бэе невэндиви дэрумкидепки. Таду упкат биһин: ая дебгэ, ая эрин, ая му.
< . . . >
Уважаемые посетители сайта. Перевод статьи, сказку Нины Коледневой на эвенкийском языке, урок обучения счету на эвенкийском, а также другие материалы вы можете прочитать только в газете «Северная правда», № 27 от 7 июля 2021 г. Газета доступна как в бумажной версии, так и в формате pdf.
Стоимость подписки на полгода (26 номеров, начиная с текущего номера или указанного вами) — 650 руб.
Обо всех условиях можно узнать, обратившись по адресам или телефонам, указанным здесь.
Доступна оплата перечислением на банковские реквизиты редакции либо по номеру телефона, привязанного к корпоративной карте.
