БИ ЭВЭДЫ ТУРЭН АЛАГУМНИН

Би эвэды турэн алагумни биһим. Би сот эетчэм куӈакар эвэды турэнмэ аят тататын, аят садатын. Тар нуӈарӈитын балдыдяк турэнтын. Мэнӈиви турэнми салдяӈас тэли эӈэси, ая дяличи, нэвэчи бэе одяӈас.
Эвэнкил учэлэптыл, билиргил бэел. Тадук эвэды турэн – тар билир, учэлэпты турэн. Эвэкил учэлэптыдук, билирдук агиду, кануду биӈкитын, орорво дявучадяна, иргидяна, бэюктэденэ. Тадук эвэды турэнду кэтэ буга, орор, бэйӈэл, оллол гэрбилтын биһи. Алагумни һэгдывэ аява һавая одяран, куӈакар эвэды турэнмэ, итылвэ, одёлвэ, билиргивэ садатын. Алагумни куӈакарва алагудяран, он эвэнкил билир биӈкитын, бэюктэӈкитын, олломотчоӈкитын. Турэн ачин одяӈан – бэе ачин одяӈан. Тарава би садем, дёнӈам. Эвэды турэнмэ би окин-да этэм омӈоро, Иду-да биденэ горо. Нэвэндув энин турэнмэн дявучаӈнам. Эвэдыт дукуӈнам, Эвэдыт долдыӈнам. Эвэды турэнди куӈакарва алагуӈнам. Сот урувсэ минду бипки Долдыми он куӈакан эвэдыт турэчэвки. Сагдыл эвэнкил кэтэ нимӈакарва, улгурилвэ, итылвэ, одёлвэ садерэ. Учэлэптывэ эвэды бидэвэ аят саӈнэрэ, дёӈнара. Нимӈакарду кэтэ учэлэптыл, билиргир турэр. Тар учэлэптылвэ, билиргилвэ турэрвэ эвэды турэн алагумни тавдатын тадук дукудатын нада тэли куӈакар тарил нимӈакарва долчатчаӈатын тадук аят эвэды турэнмэ салдяӈатын. Эвэды турэн алагумни куӈакарнунми эвэдыт турэттэтын тэли нуӈартын улгучэмэтчэӈэтын. Турэнмэ алагудяна куӈакарнунми эвилдэӈэс тэли куӈакар аят татчаӈатын. Турэнду кэтэ эвир биһи куӈакар аят садатын, алагувдатын турэнмэ. Би куӈакарвэ алагудяна нуӈарнунми турэрди эвидем. Таргачир эвир биһи: «экун? Ӈи?» (эр эвин ая бидяӈан куӈакарду алагувдярилду существтельноелвэ), эвин «Эмады?» (эр эвин прилгательноелвэ алагувдярилду ая бидяӈан), эвин «Эдяран? Эдяра?» (глаголилва алагувдярилду ая). Тыка куӈакарнунми эвиденэ алагумни аят куӈакарвэ алагудяӈан. Би тыка гунмучадям.
Читайте также:  Туристы Каларского района - сильные люди
Упкат бэел мэнӈивэр турэнмэ аят садатын, эдэтын омӈоро. Илмактал, эдэрил бэел аят мэнӈивэр турэнмэ таттатын, алагувдатын. Эһиткэн илмактал, эдэрил эвэнкил сот мэннивэр турэнмэ самудяра. Тар со ая. Эвэды турэн – тар со билир турэн. Бэе аят мэнӈиви турэнми садери – тар эӈэһи бэе.
Добавить комментарий
Войти с помощью: 

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:
ВНИМАНИЕ! НА САЙТЕ РАБОТАЕТ ПРЕМОДЕРАЦИЯ КОММЕНТАРИЕВ: ваш комментарий пройдёт предварительную проверку перед публикацией. Нажимая на кнопку "Отправить комментарий", вы даёте согласие на обработку персональных данных и принимаете политику конфиденциальности.

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов или покиньте сайт. Чтобы ознакомиться с нашей Политикой конфиденциальности, нажмите кнопку "Подробнее...". Чтобы принять условия, нажмите кнопку "Принять".
Принять